बातम्या

कागल पंचतारांकित एमआयडीसीमध्ये ए स्क्वेअर आर. एम. सी. प्लांटचा शुभारंभ

By Administrator - 3/19/2026 3:46:05 PM
Share This News:

कागलमधील ए स्क्वेअर आर. एम. सी. प्लॅट देशातील अव्वल प्रकल्प बनेल
            
वैद्यकीय शिक्षण मंत्री हसन मुश्रीफ यांचा विश्वास
        
कागल पंचतारांकित एमआयडीसीमध्ये ए स्क्वेअर आर. एम. सी. प्लांटचा शुभारंभ
         
कागल, दि. १९: इंडियाज नंबर वन आरएमसी म्हणून अल्ट्राटेकच्या आरएमसी प्रकल्पाला देशासह जगभर मान्यता आहे. या प्रकल्पांतर्गत कागलमध्ये उभारलेला ए स्क्वेअर आर एम सी प्लांट देशातील एक अव्वल प्लांट बनेल, असा विश्वास वैद्यकीय शिक्षण मंत्री हसन मुश्रीफ यांनी व्यक्त केला. या प्लांटमधून ग्राहकांना अपेक्षित रेडिमिक्स काँक्रीटची सेवा, दर्जा आणि गुणवत्ता मिळावी, अशी अपेक्षाही त्यांनी व्यक्त केली.
        
मंत्री मुश्रीफ यांच्या हस्ते कागल पंचतारांकित औद्योगिक वसाहतीमध्ये उभारलेल्या अल्ट्राटेकच्या ए स्क्वेअर आर. एम. सी. प्लांटचा शुभारंभ झाला. 
         
 गळती का लागतात.....?
 म्हणाले, आजपर्यंत सरकारी इमारती, सार्वजनिक इमारती, घरे अशा अनेक इमारती मी बघितलेल्या आहेत. परंतु;  कितीही चांगले सिमेंट, वाळू, मटेरियल वापरूनही स्लॅबला गळती का लागतात?  हा प्रश्न मला कायम पडून राहिलेला आहे. येथे उपस्थित उद्योजक आणि तज्ज्ञांनी या समस्येवर आवर्जून विचार आणि काम करावे, असेही ते म्हणाले.
         
यावेळी अल्ट्राटेकचे झोनल हेड छबिलाल पांडे, टेक्निकल झोनल हेड जयेश परमार, रिजनल हेड संजय यादव, बिझनेस डेव्हलपमेंट पांडिया, धैर्यशील पाटील आदींची मनोगत झाली. 
         
प्रकल्पाचे मालक नंदकुमार मिरजकर यांनी स्वागत व प्रास्ताविक केले.