बातम्या

🚍 ‘आपली एसटी’ – महाराष्ट्राच्या प्रवाशांसाठी डिजिटल सोयीचं नवं युग!

By nisha patil - 4/10/2025 11:02:00 AM
Share This News:

मुंबई :-    आता महाराष्ट्रातील एसटी प्रवास होणार अधिक, या ॲपमुळे प्रवाशांना बस कुठे आहे, केव्हा सुटणार आणि थांब्यावर कधी पोहोचणार – याची अचूक माहिती मोबाईलवरच मिळणार आहे. खास मराठी प्रवाशांसाठी तयार केलेले हे ॲप म्हणजे एसटी सेवेतले एक डिजिटल क्रांतीचं पाऊल!

‘रोजमाल्टा ऑटोटेक लि.’ या कंपनीच्या सहकार्याने विकसित केलेल्या ॲपमध्ये अत्याधुनिक Passenger Information System (PIS) जोडण्यात आले असून, प्रत्येक प्रवास होईल रिअल-टाइम (Live) आणि विश्वासार्ह.

🔹 ‘आपली एसटी’ ॲपच्या खास सुविधा

• जवळच्या बसथांब्याचा शोध काही सेकंदात

• दोन ठिकाणांमधील बस वेळापत्रक पाहण्याची सुविधा

• आरक्षित तिकीट क्रमांकाद्वारे बसचे Live Tracking

• आपत्कालीन क्रमांकांची यादी व एक-क्लिक कॉल सुविधा

सध्या या ॲपवर १२,००० हून अधिक बसांचा लाईव्ह डेटा आणि १ लाखांहून अधिक मार्गांचे मॅपिंग उपलब्ध आहे.
लवकरच संपूर्ण राज्यातील सर्व बससेवा यात समाविष्ट होणार आहेत. प्रवाशांच्या अभिप्रायांवर आधारित अपडेट्स नियमितपणे देण्यात येणार आहेत.

तसेच एसटी महामंडळाच्या विद्यमान तिकीट बुकिंग ॲपमध्येही लवकरच Live Tracking फीचर जोडले जाणार आहे, ज्यामुळे आरक्षण केलेल्या प्रवाशांनाही बसचे अचूक स्थान कळेल.

🗣️ परिवहन मंत्री प्रताप सरनाईक म्हणाले…

“विश्वासार्ह, पारदर्शक आणि सुरक्षित प्रवास हा आमचा संकल्प आहे. ‘आपली एसटी’ हे ॲप या उद्दिष्टाकडे जाणारे महत्त्वाचे पाऊल आहे. प्रवाशांनी आपले अभिप्राय नक्की द्यावेत, जेणेकरून ही सेवा आणखी उपयुक्त करता येईल.”

📱 ‘आपली एसटी’ ॲप आता उपलब्ध आहे अँड्रॉइड आणि iOS दोन्ही प्लॅटफॉर्मवर.
दसऱ्याच्या या शुभदिनी महाराष्ट्राच्या प्रवासात ‘डिजिटल सोयीचं’ नवं पान उघडलं गेलं आहे!