बातम्या

आजरा साखर कारखान्याचा अहवाल खोटा; सभासदांची फसवणूक – शिवसेना शिंदे गटाचा आरोप

By nisha patil - 9/26/2025 11:54:38 AM
Share This News:

आजरा (हसन तकीलदार):  आजरा साखर कारखान्याच्या संचालक मंडळाने वार्षिक सभेसमोर ठेवलेला अहवाल धादांत खोटा असून लेखापरीक्षकाच्या संगनमताने सभासदांची फसवणूक झाल्याचा गंभीर आरोप शिवसेना शिंदे गटाने पत्रकार परिषदेत केला. सभासदांच्या मालकीची ₹12 कोटी 24 लाखांची देणी परस्पर भागभांडवल व राखीव निधीला वर्ग केल्याचा ठपका ठेवत या सर्व प्रकाराला जबाबदार कोण, असा सवाल उपस्थित करण्यात आला.

🔹 मुख्य आरोप :
    •    सभेला बोगस ताळेबंदावर निर्णय घेतल्याचा आरोप.
    •    खर्चाच्या नावाखाली शेती कार्यालये बंद केल्याचे निदर्शनास.
    •    कारखान्यात चोरी होऊनही तपास न केल्याची टीका.
    •    विस्तारीकरणाच्या नावाखाली पैसे उचलल्याचा आरोप.
    •    सादर केलेल्या अहवालात 1 कोटी 42 लाखांचा दाखवलेला नफा खोटा असल्याचे आरोप.
    •    अहवालावर मुख्यमंत्र्यांसह पालकमंत्री प्रकाश आबिटकर, चंद्रकांत पाटील यांचे फोटो नसल्याबाबत निषेध.

🔹 नेत्यांची वक्तव्ये :
    •    संजय पाटील (तालुकाप्रमुख): कारखाना हा कोणत्याही एका पक्षाची खासगी मालमत्ता नाही. संचालक मंडळाने आठ दिवसांत शुद्धीपत्रक काढले नाही तर संबंधीत विभागाकडे तक्रार दाखल करू.
    •    इंद्रजीत देसाई: दरवर्षी खोटा ताळेबंद सादर केला जातो. सभासदांच्या तक्रारींकडे दुर्लक्ष केले जाते.
    •    राजेंद्र सावंत (उपजिल्हा प्रमुख): कारखान्याच्या कारभारात अनियमितता असून त्याविरोधात कारवाई आवश्यक.

🔹 निषेध :

या आरोपांच्या पार्श्वभूमीवर शिवसेना शिंदे गटाने सर्वसाधारण सभेवर बहिष्कार टाकून निषेध व्यक्त केला.