कृषी

आजरा साखर कारखान्याची 31 डिसेंबर अखेरची ऊस बिले जमा

By Administrator - 1/29/2026 6:25:50 PM
Share This News:

आजरा साखर कारखान्याची 31 डिसेंबर अखेरची ऊस बिले जमा

आजरा (हसन तकीलदार) :- वसंतराव देसाई आजरा शेतकरी सहकारी साखर कारखान्याचे चालु सन 2025- 26 या गळीत हंगामात आजअखेर 86 दिवसात 2,61,000 मे.टन ऊसाचे गाळप झाले असुन 3,05,000 क्विटल साखरेचे उत्पादन झाले आहे.कारखान्याकडे दि 16.12 2025 ते 31.12 2025 अखेर गाळप झालेल्या 49,588.539 मे.टन ऊसाच्या बिलाची प्रतिटन ₹.3400/ - प्रमाणे विनाकपात होणारी ₹.16 कोटी 86 लाख इतकी रक्कम ऊस पुरवठादार शेतकऱ्यांच्या बँक खात्यावर ज़मा करण्यात आली असलेबाबतची माहिती कारखान्याचे चेअरमन  मुकुदराव देसाई यांनी दिली.
 हगाम 2025- 26 मध्ये करखाना व्यवस्थापनाने ठरवलेल्या उद्दीष्टा प्रमाणे गाळप सुरु असुन सद्या येत असलेल्या ऊसाचे गाळप सुरळीतपणे सुरू आहे. कारखान्याकडे उपलब्ध असलेल्या बीड व स्थानिक तोडणी-वाहतुक यंत्रणेमार्फत  कारखान्याकडे करार झालेल्या कार्यक्षेत्रातील व कार्यक्षेत्राबाहेरील प्राधान्याने ऊसाची उचल केली जात आहे. कोल्हापर जिल्हा मध्यवर्ती सह .बँकेचे  अध्यक्ष नाम.हसन मुश्रीफ ( वद्यकिय शिक्षणमंत्री, महाराष्ट्र राज्य) यांचे मार्गदर्शनाखाली जिल्हा बँकेच्या सहकार्याने कारखान्याकडे गाळपास येणा-या संपुर्ण ऊसाची बिले व तोडणी वाहतुकीची बिले नियमितपणे आदा कली जात आहेत.
 कार्यक्षेत्रातील संपुर्ण ऊस प्राधान्याने गाळपासाठी आणणेचे नियोजन व्यवस्थापनाने कलेले असून ज्या भागात यंत्रणा कमी आहे अशा ढिकाणी यंत्रणा उपलब्ध करून शेतकऱ्यांचा ऊस कारखान्याकडे गळीतास आणण्याचे नियोजन केलेले आहे. त्यामुळे कार्यक्षेत्रातील ऊस उत्पादक शेतकऱ्यांनी आपला ऊस अन्य कारखान्यांना न पाठवता थोडे थांबुन व्यवस्थापनास सहकार्य करावे व आपला संपुर्ण ऊस आपल्याच कारखान्यास गाळपास पाठवावा असे आवाहन कारखान्याचे चेअरमन मुकुदराव देसाई यांनी केले आहे.
 यावेळी कारखान्याचे व्हा.चेअरमन सुभाष देसाई,कारखान्याचे संचालक वसंतराव धुरे, विष्णुपंत केसरकर, उदयसिंह पोवार, जिल्हा बॅक प्रतिनिधी सुधिर देसाई, संचालक मधुकर देसाई, मारुती घोरपडे, अनिल फडके,दिपक देसाई, रणजित देसाई, संभाजी पाटील (हात्तीवडे), शिवाजी नांदवडेकर, राजेंद्र मुरूकटे, राजेश जोशीलकर,गोविंद पाटील, संचालिका सौ. रचना होलम सौ.मनिषा देसाई, संचालक काशिनाथ तेली, संभाजी पाटील,अशोक तर्डेकर हरीभाऊ कांबळे तसेच कारखान्याचे तज्ञ संचालक नामदेव नार्वेकर, रशिद पठाण, शासन नियुक्त प्रतिनिधी दिगंबर देसाई आणि कार्यकारी संचालक एस. के.सावंत उपस्थित होते.