विशेष बातम्या
अनिल लवेकर यांच्या अमृत महोत्सवाची सुरुवात सेवाभावी उपक्रमांनी
By nisha patil - 6/13/2025 9:45:56 PM
Share This News:
अनिल लवेकर यांच्या अमृत महोत्सवाची सुरुवात सेवाभावी उपक्रमांनी
सी.पी.आर. रुग्णांना फळे, गरजूंना अन्नदान – वर्षभर सामाजिक उपक्रमांची मालिका
कोल्हापूर (प्रतिनिधी) – राज्य सरकारी कर्मचारी मध्यवर्ती संघटनेचे पुणे विभागीय राज्य संघटक तथा कोल्हापूर जिल्हा सरचिटणीस अनिल लवेकर हे १५ जून २०२५ रोजी त्यांच्या अमृत महोत्सवी वर्षात पदार्पण करत आहेत. या वर्षाच्या प्रारंभी कोल्हापूर जिल्हा शाखेच्या वतीने सेवाभावी उपक्रमांचे आयोजन करण्यात आले आहे.
याअंतर्गत १५ जून रोजी सकाळी १० वाजता सी. पी. आर. रुग्णालयातील रुग्णांना फळे वाटप करण्यात येणार असून, दुपारी १२ वाजता सी.पी.आर. चौकात गरजूंना अन्नदान वाटप करण्यात येईल.
या वर्षभर चालणाऱ्या अमृत महोत्सवी उपक्रमांत शालेय साहित्य वाटप, आरोग्य तपासणी शिबिरे, अनाथाश्रमांना धान्यवाटप, अंध-अपंग विद्यार्थ्यांना मदत, तसेच पदाधिकाऱ्यांचे प्रातिनिधिक सत्कार आणि झाडे लावा झाडे जगवा अशा विविध उपक्रमांचा समावेश आहे.
२०२६ मध्ये या अमृत महोत्सवी वर्षाचा समारोप भव्य सोहळ्यात करण्यात येणार असून अनिल लवेकर यांच्या गौरव पुस्तकाचे प्रकाशनही होईल.
अनिल लवेकर यांच्या अमृत महोत्सवाची सुरुवात सेवाभावी उपक्रमांनी
|