आरोग्य

विवेकानंद कॉलेजमध्ये वार्षिक आरोग्य तपासणी शिबीर उत्साहात

By Administrator - 2/23/2026 2:32:24 PM
Share This News:

विवेकानंद कॉलेजमध्ये वार्षिक आरोग्य तपासणी शिबीर उत्साहात

विद्यार्थ्यांच्या शारीरिक, मानसिक व भावनिक आरोग्याचे महत्त्व अधोरेखित; डॉ. कल्पना कांबळे यांचे मार्गदर्शन

विद्यार्थ्यांच्या शारीरिक तंदुरुस्तीसोबतच मानसिक, भावनिक आणि सामाजिक आरोग्यही तितकेच महत्त्वाचे आहे, असे प्रतिपादन Dr. Kalpana Kamble यांनी केले. त्या Vivekanand College Kolhapur येथे आयोजित वार्षिक आरोग्य तपासणी शिबिराच्या उद्घाटनप्रसंगी प्रमुख पाहुण्या म्हणून बोलत होत्या. कार्यक्रमाच्या अध्यक्षस्थानी प्रभारी प्राचार्य Dr. Sanjay Thorat होते.

डॉ. कांबळे म्हणाल्या की, उत्तम आरोग्यासाठी संतुलित आहार, नियमित व्यायाम, पुरेशी झोप आणि तणावमुक्त जीवनशैली आवश्यक आहे. “आरोग्य म्हणजे केवळ आजार नसणे नव्हे, तर शारीरिक व मानसिक दृष्ट्या पूर्णतः सुस्थितीत असणे होय,” असे त्यांनी स्पष्ट केले.

कार्यक्रमाची सुरुवात संस्थेच्या प्रार्थनेने झाली. स्वागत व प्रास्ताविक करताना विभागप्रमुख प्रा. शिल्पा भोसले यांनी विद्यार्थ्यांनी अभ्यासाबरोबरच योगासने, व्यायाम आणि खेळ यांना दैनंदिन जीवनात स्थान द्यावे, असे आवाहन केले.

या शिबिरात Savitribai Phule Nursing College Kolhapur येथील प्राजक्ता काटे, अनुपमा धनवडे, ओम कवरखे, पार्थ कांबळे, राहुल राठोड, हर्षदा शिंदे आणि पल्लवी खोत यांनी विद्यार्थ्यांसह प्राध्यापक व कर्मचाऱ्यांची आरोग्य तपासणी केली.

कार्यक्रम यशस्वी होण्यासाठी स्क्वॉफ प्रमुख प्रा. गीतांजली साळुंखे, प्रा. बी. एस. कोळी, प्रा. एम. आर. नवले, प्रा. शुभांगी पाटील यांनी विशेष परिश्रम घेतले. सूत्रसंचालन प्रा. अश्विनी गायकवाड यांनी केले, तर आभार प्रदर्शन प्रा. उत्तम तिजाईकर यांनी मानले. रजिस्ट्रार श्री एस. के. धनवडे यांचे सहकार्य लाभले.

या शिबिरासाठी विद्यार्थी, प्राध्यापक व कर्मचारी मोठ्या संख्येने उपस्थित होते.