बातम्या

भाजपची संघटन पर्व बैठक कराडमध्ये; रविंद्र चव्हाण यांचे प्रतिपादन

By nisha patil - 4/26/2025 12:28:30 AM
Share This News:

भाजपची संघटन पर्व बैठक कराडमध्ये; रविंद्र चव्हाण यांचे प्रतिपादन

कराड, २५ एप्रिल –भा.ज.प.च्या संघटन पर्व व वस्ती संपर्क अभियानांतर्गत आज कराडमध्ये आढावा बैठक आयोजित करण्यात आली. यावेळी भा.ज.प. महाराष्ट्र प्रदेश कार्यकारी अध्यक्ष रविंद्र चव्हाण यांच्या उपस्थितीत सांगली, सातारा आणि कोल्हापूर जिल्ह्यांतील भाजपचे खासदार, आमदार, जिल्हाध्यक्ष, मंडल अध्यक्ष, सरचिटणीस आणि इतर पदाधिकारी उपस्थित होते.

रविंद्र चव्हाण यांनी राष्ट्र प्रथम, पक्ष दुसरा आणि कार्यकर्ता तिसरा या विचारधारेवर भाजपची वाटचाल सुरू असल्याचे सांगितले. "संघटना आणि राष्ट्रहित अत्यंत महत्त्वाचे आहेत, आणि भाजपच्या प्रत्येक कार्यकर्त्यांसाठी कमळ हीच ओळख आहे," असं त्यांनी स्पष्ट केलं.

महाराष्ट्रात भाजपने दीड कोटी सदस्यांचा पल्ला गाठल्याबद्दल, चव्हाण यांनी भाजपच्या सर्व लोकप्रतिनिधी आणि पदाधिकार्‍यांचे कौतुक केले आणि आभार मानले.

राज्यसभेचे खासदार धनंजय महाडिक यांनी केंद्र आणि राज्य सरकारच्या लोककल्याणाच्या योजना जनतेपर्यंत पोहोचवण्याच्या महत्त्वावर भर दिला आणि सर्वांनी या योजनांचा लाभ जनतेपर्यंत पोहोचवण्यासाठी प्रयत्न करावेत, असं आवाहन केलं.

यावेळी आमदार डॉ. अतुल भोसले, अमल महाडिक, मनोज घोरपडे, प्रदेश महामंत्री राजेश पांडे, मकरंद देशपांडे, पृथ्वीराज देशमुख यांच्यासह भाजपचे कार्यकर्ते आणि पदाधिकारी उपस्थित होते.