बातम्या

नंदवाळ आषाढी यात्रेसाठी व्यापक नियोजन – आमदार राजेश क्षीरसागर यांचे निर्देश

By nisha patil - 6/28/2025 11:24:12 PM
Share This News:

नंदवाळ आषाढी यात्रेसाठी व्यापक नियोजन – आमदार राजेश क्षीरसागर यांचे निर्देश

कोल्हापूर,: कोल्हापूर जिल्ह्यातील नंदवाळ हे प्रति पंढरपूर म्हणून प्रसिद्ध असलेले क्षेत्र असून, आषाढी यात्रेच्या पार्श्वभूमीवर यात्रेचे योग्य नियोजन करून ती निर्विघ्न आणि यशस्वी करण्याच्या सूचना आमदार राजेश क्षीरसागर यांनी दिल्या आहेत.

जिल्हाधिकारी कार्यालयातील शाहूजी सभागृहात झालेल्या नियोजन बैठकीत त्यांनी प्रशासन, पोलीस, आरोग्य व ग्रामपंचायतींना आवश्यक सूचना दिल्या. यावेळी आमदार चंद्रदीप नरके, निवासी उपजिल्हाधिकारी संजय तेली, प्रांताधिकारी मोसमी चौगुले, तहसीलदार स्वप्नील रावडे, डॉ. अनिरुद्ध पिंपळे व विविध यंत्रणांचे प्रतिनिधी उपस्थित होते.

📌 बैठकीतील मुख्य मुद्दे:

• यात्रेदरम्यान सुमारे १ लाख भाविक सहभागी होणार.

• फिरते शौचालय, पिण्याच्या पाण्याची व्यवस्था, आरोग्य सुविधा, ॲम्बुलन्स सेवा या ठिकाणी उपलब्ध करण्याचे निर्देश.

• वाहतूक व्यवस्थापनासाठी पर्यायी मार्ग व गर्दीच्या ठिकाणी फेरीवाल्यांवर निर्बंध.

• महापालिकेच्या रस्त्यांवर डागडूजी, अग्निशमन वाहन, स्वच्छता पथक, इ. तातडी सेवा सज्ज ठेवण्याचे आदेश.

• नव्याने तयार करण्यात आलेला रथ यात्रेचे मुख्य आकर्षण ठरणार असल्याने त्यासाठी घाट चढ रस्त्यावर विशेष खबरदारी.

• रिंगण सोहळा, पालखी मार्ग, दिंडी स्थानकं याठिकाणी स्वच्छता आणि सुविधा यावर भर.

🗣️ आमदार क्षीरसागर म्हणाले:

"यात्रा कोल्हापूरच्या संस्कृतीचा अविभाज्य भाग आहे. प्रशासन, ग्रामपंचायत, पोलीस व विविध संस्था यांनी समन्वयाने काम करून यात्रेचे सुरळीत आयोजन करावे."