शैक्षणिक

डॉ. आरिफ महात यांना ‘प्रो.डॉ. विद्या शिंदे मौलिक रचना पुरस्कार’ प्रदान

By nisha patil - 1/19/2026 11:53:31 AM
Share This News:

कोल्हापूर :- महाराष्ट्र हिंदी परिषदेच्यावतीने विवेकानंद कॉलेजचे  हिंदी विभागाचे प्रमुख व  सहाय्यक प्राध्यापक डॉ. आरिफ महात यांना  त्यांच्या दस्तक या कविता संग्रहास  प्रो.डॉ. विद्या शिंदे मौलिक रचना पुरस्काराने गौरविण्यात आले. विवेकानंद कॉलेज आणि महाराष्ट्र हिंदी परिषदेच्या वतीने आयोजित 32 वें अधिवेशन व दोन दिवसीय राष्ट्रीय चर्चासत्रात शिवाजी विद्यापीठाच्या हिंदी विभागाचे माजी विभागप्रमुख व ज्येष्ठ इतिहासतज्ञ डॉ. वसंत मोरे व सोलापूर विद्यापीठ, डॉ.बाबासाहेब मराठवाडा विद्यापीठातील हिंदी विभागातील माजी विभागप्रमुख प्रो. डॉ. चंद्रदेव कवडे,  यांच्या हस्ते रोख रक्क्म, सम्मानपत्र, सम्मानचिह्न, शॉल, श्रीफळ  देवून सत्कार करण्यात आला.

याप्रसंगी पुण्यश्लोक अहिल्याबाई होळकर सोलापूर विद्यापीठ, सोलापूरचे माजी कुलगुरु डॉ. इरेश स्वामी, महाराष्ट्र हिंदी परिषदेचे अध्यक्ष डॉ. अनिल काळे, मुख्य सचिव डॉ. गजानन चव्हाण, विवेकानंद कॉलेजचे प्रभारी प्राचार्य डॉ.संजय थोरात, शिवाजी विद्यापीठातील हिंदी विभागाचे माजी प्रमुख डॉ. पांडुरंग पाटील, सावित्रीबाई फुले पुणे विद्यापीठाचे माजी विभागप्रमुख डॉ. गजानन चव्हाण, डॉ. माधवी जाधव, आय.क्यु.ए.सी. समन्वयक डॉ. श्रुती जोशी, डॉ. पंढरीनाथ पाटील, डॉ. देवीदास बामणे, डॉ. नाजिम शेख, डॉ. भाऊसाहेब नवले, डॉ सुरेश शेळके, डॉ विठृलसिंह ढाकरे यांची प्रमुख उपस्थिती होती.

डॉ. महात यांना पदवी-पदव्युत्तर अध्यापनाचा 15 वर्षाचा अनुभव आहे.  त्यांची एकूण 14 पुस्त्‍के प्रकशित असून त्यामध्ये 4 कवितासंग्रह, 1 संदर्भ ग्रंथ, 4 अनुवादीत ग्रंथ, आणि 7 संपादित ग्रंथ यांचा समावेश आहे.  त्यांचे आतापर्यंत 40  शोध निबंध प्रकाशित आहेत. त्यांनी राष्ट्रीय-अंतरराष्ट्रीय स्तरावर विभिन्न सामाजिक-शैक्षणिक  विषयांवर सतरहून अधिक व्याख्याने दिली आहेत. ते संशोधक मार्गदर्शक म्हणून काम करत असून त्यांच्या मार्गदर्शनाखाली एका विद्यार्थ्याने पीएच.डी पदवी प्राप्त्‍ केली आहे. कोल्हापूर आकाशवाणी केंद्रामध्ये स्व्रचित गजल, राजभाषा हिंदी, हिंदीचे वैशिवक परिदृश्य्‍, संत कबीर यांच्या साहित्याची प्रासंगिकता या विषयांवर कार्यक्रम सादर केले आहेत.   यापूर्वी त्यांना महात्मा गांधी शिक्षा प्रतिभा सम्मान,   साहित्य सम्मान, सर्वोत्कृष्ट मार्गदर्शक, शिवाजी विद्यापीठाचे कुलगुरु सुवर्णपदक, डॉ.चंदुलाल दुबे पारितोषिक, महाकवि भूषण हिंदी अकादमी पुरस्कार, स्व. गुरूवर्य कल्लापा घाटे गुरूजी पारितोषिक, आर. व्ही. चिटणिस पारितोषिक असे पुरस्कार मिळाले आहेत.