बातम्या

सिएटलमध्ये भारतीय विद्यार्थिनी जान्हवी कंडुला मृत्यू प्रकरण

By nisha patil - 2/14/2026 6:45:08 PM
Share This News:

सिएटलमध्ये भारतीय विद्यार्थिनी जान्हवी कंडुला मृत्यू प्रकरण

कुटुंबाला ₹२६२ कोटींची नुकसानभरपाई; शहर प्रशासनाचा मोठा निर्णय

अमेरिकेतील सिएटल शहरात २०२३ मध्ये घडलेल्या एका दुर्दैवी अपघातात २३ वर्षीय भारतीय विद्यार्थिनी जान्हवी कंडुला हिचा मृत्यू झाला होता. या प्रकरणात सिएटल शहर प्रशासनने जान्हवीच्या कुटुंबाला २९ दशलक्ष डॉलर्स (सुमारे ₹२६२ कोटी) नुकसानभरपाई देण्याचे मान्य केले आहे.
जानेवारी २०२३ मध्ये जान्हवी कंडुला ही नॉर्थईस्टर्न युनिव्हर्सिटीच्या सिएटल कॅम्पसमध्ये इन्फॉर्मेशन सिस्टम्समध्ये मास्टर्स शिक्षण घेत होती.
ती रस्ता ओलांडत असताना, पोलीस अधिकारी केविन डेव्ह याच्या भरधाव वेगाने (७४ मैल प्रति तास) येणाऱ्या वाहनाने तिला जोरदार धडक दिली.
या अपघातात जान्हवीचा जागीच मृत्यू झाला.
अपघातानंतर समोर आलेल्या बॉडीकॅम फुटेजमध्ये एका दुसऱ्या पोलीस अधिकाऱ्याला हसताना आणि जान्हवीच्या मृत्यूबाबत "फक्त एक चेक लिहा" असे म्हणताना ऐकू आले.
या वक्तव्यामुळे मोठ्या प्रमाणात सार्वजनिक संताप उसळला आणि पोलिसांच्या वर्तनावर गंभीर प्रश्नचिन्ह उपस्थित झाले.
या घटनेनंतर संबंधित पोलीस अधिकाऱ्याला नोकरीवरून काढण्यात आले, तर दुसऱ्या अधिकाऱ्यावर शिस्तभंगाची कारवाई करण्यात आली.
जान्हवीच्या कुटुंबाने दाखल केलेल्या खटल्याच्या निकालात, सिएटल शहर प्रशासनाने २९ दशलक्ष डॉलर्सची नुकसानभरपाई देण्याचे मान्य केले आहे.
ही भरपाई भारतीय विद्यार्थिनीच्या मृत्यू प्रकरणात दिल्या गेलेल्या सर्वाधिक रकमेपैकी एक मानली जात आहे