बातम्या

केडीसीसी बँकेला "उत्कृष्ट जिल्हा मध्यवर्ती सहकारी बँक" पुरस्काराचा मान

By nisha patil - 7/23/2025 8:58:23 PM
Share This News:

केडीसीसी बँकेला "उत्कृष्ट जिल्हा मध्यवर्ती सहकारी बँक" पुरस्काराचा मान
 

मुंबई | दि. २३ जुलै कोल्हापूर जिल्हा मध्यवर्ती सहकारी बँकेला (केडीसीसी) सन २०२३-२४ या आर्थिक वर्षासाठीचा "कै. वैकुंठभाई मेहता उत्कृष्ट जिल्हा मध्यवर्ती सहकारी बँक" हा मानाचा पुरस्कार मिळाला आहे.

मुंबईत झालेल्या महाराष्ट्र राज्य सहकारी बँक्स असोसिएशनच्या कार्यक्रमात सहकार राज्यमंत्री डॉ. पंकज भोयर आणि उत्पादन शुल्क आयुक्त डॉ. विजय सूर्यवंशी यांच्या हस्ते हा पुरस्कार प्रदान करण्यात आला.

बँकेच्यावतीने संचालक सुधीर देसाई व मुख्य कार्यकारी अधिकारी जी. एम. शिंदे यांनी पुरस्कार स्वीकारला.

✅ बँकेचे आर्थिक मापदंड (३१ मार्च २०२५ पर्यंत):

• ढोबळ नफा: ₹२४५ कोटी

• ठेवी: ₹१०,६३५ कोटी

• कर्जवाटप: ₹७,४२३ कोटी

• नेट एनपीए: ०%

• ढोबळ एनपीए: ४.१८%

• शाखा नफ्यात: सर्व १९१

💻 संगणकीकरणात आघाडीवर:

राज्यभरातील संगणकीकरण झालेल्या ४,००० विकास सेवा संस्थांपैकी १,७५१ संस्था केडीसीसीच्या अंतर्गत असून, यामध्ये बँकेचे मोठे योगदान असल्याचे राज्यमंत्री डॉ. भोयर यांनी सांगितले.

🌾 महिला व शेतकऱ्यांसाठी योजना:

• "ताराराणी अर्थसाहाय्य योजना" अंतर्गत महिलांना अल्प व्याजदरात कर्ज

• शेतकरी हिताच्या विविध योजना व धोरणांची यशस्वी अंमलबजावणी

• कोल्हापूर जिल्ह्यातील कृषी व औद्योगिक क्रांतीत बँकेचे योगदान