शैक्षणिक

यश मिळवण्यासाठी कम्फर्ट झोन सोडा – डॉ. उदय साळुंखे

By nisha patil - 9/5/2025 11:30:20 PM
Share This News:

कोल्हापूर (प्रतिनिधी): विद्यार्थ्यांनी जीवनात यशस्वी होण्यासाठी नेहमी कम्फर्ट झोनमधून बाहेर पडायला हवे. चिकित्सक वृत्ती आणि नवकल्पना जोपासून संशोधन क्षेत्रात भरीव योगदान देता येते, असे मत वेलिंगकर इन्स्टिट्यूट ऑफ मॅनेजमेंट, मुंबईचे ग्रुप डायरेक्टर डॉ. उदय साळुंखे यांनी व्यक्त केले.

डी. वाय. पाटील अभिमत विद्यापीठाच्या स्कूल ऑफ इंजिनिअरिंग अँड मॅनेजमेंट च्या वतीने आयोजित राष्ट्रीय स्तरावरील इंटरकॉलेजिएट टेक्नो-मॅनेजमेंट स्पर्धा ‘टेक्नोलॉजिया २०२५’ मध्ये प्रमुख अतिथी म्हणून ते बोलत होते. यावेळी त्यांनी स्वतःच्या जीवनप्रवासातील प्रेरणादायी अनुभव विद्यार्थ्यांसोबत शेअर करत "सातार्‍यासारख्या गावातून मुंबईसारख्या महानगरात येऊन इथवरचा प्रवास सोपा नव्हता, पण चिकाटी आणि समर्पणामुळे शक्य झाले," असे सांगितले.

या स्पर्धेत विविध महाविद्यालयांतील ७४० हून अधिक विद्यार्थ्यांनी सहभाग घेतला. स्पर्धेत एकूण ८ अनोख्या स्पर्धात्मक उपक्रमांचा समावेश होता.

🔹 विजेते संघ आणि स्पर्धा:

• शार्क टॅंक:

  • प्रथम: डी. वाय. पाटील कॉलेज ऑफ इंजिनिअरिंग अँड टेक्नॉलॉजी, कोल्हापूर

  • द्वितीय: न्यू कॉलेज, कोल्हापूर

• कोड शफल:

  • विजेता: डी. वाय. पाटील कॉलेज ऑफ इंजिनिअरिंग

  • उपविजेता: केआयटी कॉलेज

• डिबेट:

  • प्रथम: वालचंद कॉलेज ऑफ इंजिनिअरिंग, सांगली

  • द्वितीय: केआयटी

• एक्सपांडेबल्स:

  • विजेता: डी. वाय. पाटील स्कूल ऑफ इंजिनिअरिंग अँड मॅनेजमेंट

  • उपविजेता: संजय घोडावत युनिव्हर्सिटी

• मिनी प्रोजेक्ट:

  • विजेता: न्यू इन्स्टिट्यूट ऑफ टेक्नॉलॉजी, कोल्हापूर

  • द्वितीय: डी. वाय. पाटील कॉलेज ऑफ इंजिनिअरिंग

• आयपीएल ऑक्शन:

  • प्रथम व द्वितीय दोन्ही क्रमांक: डी. वाय. पाटील स्कूल ऑफ इंजिनिअरिंग

• बीजीएमआय:

  • विजेता: अण्णासाहेब डांगे आयटीआय, आष्टा

  • उपविजेता: डी. वाय. पाटील स्कूल ऑफ इंजिनिअरिंग

• पीईएस:

  • विजेता: न्यू पॉलिटेक्निक, कोल्हापूर

  • उपविजेता: डी. वाय. पाटील कॉलेज ऑफ इंजिनिअरिंग

प्रत्येक विजेत्या संघाला ६,००० रुपये रोख, तर उपविजेत्यांना ३,००० रुपये, प्रमाणपत्र व ट्रॉफी प्रदान करण्यात आली.

💬 प्रमुख उपस्थिती व शुभेच्छा:

कार्यक्रमाच्या अध्यक्षस्थानी कुलगुरू डॉ. राकेश कुमार शर्मा होते.
कार्यकारी संचालक डॉ. अनिलकुमार गुप्ता यांनी विजेत्यांचे अभिनंदन केले.
कुलसचिव डॉ. व्ही. व्ही. भोसले, संचालक डॉ. अजित पाटील, प्रा. अभिजीत मटकर, प्रा. अनिकेत परदेशी आदी उपस्थित होते.
आभार प्रदर्शन प्रा. मटकर व प्रा. परदेशी यांनी केले.

कुलपती डॉ. संजय डी. पाटील, उपाध्यक्ष आमदार सतेज पाटील, विश्वस्त ऋतुराज पाटील, विश्वस्त पृथ्वीराज पाटील यांनी ‘टेक्नोलॉजिया २०२५’ च्या यशस्वी आयोजनाबद्दल आयोजकांचे अभिनंदन केले.