बातम्या

16 मार्चला आजरा तहसील येथे लोकशाही दिनाचे आयोजन

By Administrator - 3/13/2026 3:12:06 PM
Share This News:

16 मार्चला आजरा तहसील येथे लोकशाही दिनाचे आयोजन
 

आजरा (हसन तकीलदार )*: सोमवार दि.16 मार्च 2026 रोजी प्रशासकीय इमारत, तहसिल कार्यालय, आजरा येथे सकाळी 11:00 वाजता लोकशाही दिनाचे आयोजन करण्यात आले आहे. आजरा तालुक्यातील सर्व नागरिकांनी आपल्या शासकीय, निमशासकीय विषयी कामांच्या प्रशासकीय स्तरावरील वैयक्तिक तक्रारीबाबत न्याय मिळण्यासाठी स्वतः उपस्थित राहून अर्ज सादर करावा, असे आवाहन आजरा तहसिलदार समीर माने यांनी केले आहे.                                      

अर्ज विहित नमुन्यात असावा (नमुना प्रपत्र 1 अ ते 1 ड), तक्रार, निवेदन वैयक्तिक स्वरुपाची असावी, चारही स्तरावरील लोकशाही दिनाकरिता अर्जदाराने अर्ज विहित नमुन्यात 15 दिवस आधी 2 प्रतीत पाठविणे आवश्यक राहिल. तालुका लोकशाही दिनानंतर एक महिन्याने जिल्हाधिकारी, महानगरपालिका आयुक्त लोकशाही दिनात अर्ज करता येईल. जिल्हाधिकारी, महानगरपालिका आयुक्त लोकशाही दिनानंतर दोन महिन्यांनी विभागीय आयुक्त लोकशाही दिनात व विभागीय आयुक्त लोकशाही दिनानंतर दोन महिन्यानी मंत्रालय लोकशाही दिनात अर्ज करता येईल. चारही स्तरावरील लोकशाही दिनात खालील बाबींशी संबंधित अर्ज स्विकारले जाणार नाहीत - न्यायप्रविष्ठ प्रकरणे, राजस्व, अपील, सेवाविषयक, आस्थापना विषयक बाबी, विहित नमुन्यात नसणारे व त्यासोबत आवश्यक त्या कागदपत्रांच्या प्रती न जोडलेले अर्ज, अंतिम उत्तर दिलेले आहे, देण्यात येणार आहे अशा प्रकरणी पुन्हा त्याच विषयासंदर्भात केलेले अर्ज, तक्रार, निवेदन वैयक्तिक स्वरुपाची नसेल तर अशा प्रकारचे अर्ज लोकशाही दिनात स्विकारले जाणार नाहीत.
*लोकशाही दिनाचे मुख्य वैशिष्ट्येः

उद्देशः प्रशासकीय कामात पारदर्शकता आणणे आणि लोकांच्या समस्यांची वेळेत दखल घेणे.

प्रक्रियाः तालुका स्तरावर तहसीलदार, जिल्हा स्तरावर जिल्हाधिकारी, तर विभागीय स्तरावर विभागीय आयुक्त तक्रारी ऐकतात.

महिला लोकशाही दिनः*महिलांच्या समस्यांसाठीही विशेष लोकशाही दिन आयोजित केला जातो.