बातम्या

महावितरणचे अध्यक्ष लोकेश चंद्र यांना ‘एनर्जी लीडरशिप अॅवॉर्ड २०२५’

By nisha patil - 4/9/2025 5:31:38 PM
Share This News:

महावितरणचे अध्यक्ष लोकेश चंद्र यांना ‘एनर्जी लीडरशिप अॅवॉर्ड २०२५’

मुंबई, दि. ३ : महावितरणचे अध्यक्ष तथा व्यवस्थापकीय संचालक मा. लोकेश चंद्र यांना इंग्लंडस्थित ‘वर्ल्ड रेकॉर्ड ऑफ एक्सलन्स’ तर्फे ऊर्जा क्षेत्रातील भरीव कामगिरीबद्दल ‘एनर्जी लीडरशिप अॅवॉर्ड २०२५’ प्रदान करण्यात आला.

• मुख्यमंत्री मा. देवेंद्र फडणवीस यांच्या नेतृत्वाखाली सुरू असलेल्या ऊर्जा परिवर्तनामुळे हा सन्मान मिळाल्याचे श्री. चंद्र यांनी सांगितले.

• या पुरस्काराचे श्रेय महावितरणच्या अधिकारी व कर्मचाऱ्यांना दिले.

• वर्ल्ड रेकॉर्ड ऑफ एक्सलन्सचे प्रमुख पाब्लो स्टॅन्ले व अध्यक्ष हेन्री आर. यांच्या स्वाक्षरीने प्रशस्तीपत्र प्रदान करण्यात आले.

प्रशस्तीपत्रातील गौरवोद्गार:

• ऊर्जा क्षेत्रातील असामान्य नेतृत्व आणि दूरदृष्टी.

• महाराष्ट्राच्या वीज वितरणातील उल्लेखनीय योगदान.

• अक्षय ऊर्जेच्या वापराला चालना देत लाखो नागरिकांना भरवशाचा वीजपुरवठा.

महावितरणची ऐतिहासिक कामगिरी:

• अक्षय ऊर्जेमुळे वीज खरेदी खर्चात मोठी बचत → वीजदरात कपात करणारी देशातील पहिली सार्वजनिक वीज वितरण कंपनी.

• पुढील ५ वर्षांत सुमारे ६६ हजार कोटींची बचत, त्यामुळे दर कमी होणार.

• मुख्यमंत्री सौर कृषी वाहिनी योजना २.० अंतर्गत १६,००० मेगावॅट क्षमतेचे जगातील सर्वात मोठे विकेंद्रित सौर प्रकल्प.

• प्रधानमंत्री सूर्यघर मोफत वीज योजना अंतर्गत महाराष्ट्राने १,००० मेगावॅट टप्पा पार.

• ‘मागेल त्याला सौर कृषी पंप’ योजनेत सर्वाधिक पंप बसवून महाराष्ट्र देशात प्रथम क्रमांकावर.