बातम्या

🚨 ऑपरेशन सिंदूरनंतर काही तासात उरीमध्ये मोठी घटना; CISF जवानांचा पराक्रम आता समोर

By nisha patil - 11/26/2025 1:12:21 PM
Share This News:

नवी दिल्ली | 26 नोव्हेंबर 2025:- ऑपरेशन सिंदूर सुरू झाल्यानंतर काही तासांतच पाकिस्तानने काश्मीरमधील रणनीतीदृष्ट्या अत्यंत महत्त्वाच्या उरी हायड्रो इलेक्ट्रिक प्लांटवर मोठा हल्ला करण्याचा प्रयत्न केला होता.

हा प्लांट LOC जवळ असल्याने परिस्थिती अधिक गंभीर होती. पाकिस्तानकडून ड्रोन्स, तोफगोळे आणि गोळीबार करून प्रकल्प उद्ध्वस्त करण्याचा प्रयत्न करण्यात आला. मात्र CISF च्या 19 जवानांनी अप्रतिम धाडस, शांत मन आणि अचूक स्ट्रॅटेजी दाखवत हा हल्ला पूर्णतः परतवून लावला. त्यांनी सर्व पाकिस्तानी ड्रोन्स हवेतच पाडले, प्रकल्पातील संवेदनशील भागांचे रक्षण केले आणि सतत सुरू असलेल्या गोळीबारात स्थानिक नागरिकांना दारोदार जाऊन सुरक्षित स्थळी हलवले.

कमांडंट रवी यादव यांच्या नेतृत्वाखाली जवानांनी प्रकल्पातील सर्व शस्त्रास्त्रांचे विखुरण करून संभाव्य मोठे नुकसान टळले. ऑपरेशन सिंदूरच्या पार्श्वभूमीवर भारतीय सैन्याने पाकिस्तान आणि POK मधील दहशतवादी तळ नष्ट केले होते. त्यानंतरच पाकिस्तानने बदला घेण्यासाठी LOC जवळच्या भारतीय भागात तोफगोळीबार आणि हल्ल्यांचे प्रयत्न केले.

परंतु CISF जवानांनी दाखवलेल्या शौर्यामुळे प्रकल्पाचे आणि नागरिकांचे कोणतेही नुकसान झाले नाही. नवी दिल्लीतील CISF मुख्यालयात झालेल्या कार्यक्रमात या शूर 19 जवानांना प्रतिष्ठेचा DG Disc पुरस्कार देण्यात आला आणि त्या रात्री झालेल्या पराक्रमाची संपूर्ण माहिती अधिकृतपणे समोर आली.