बातम्या
मराठा आंदोलनाचा तिढा सुटला; शाहू बँक चौकात आनंदोत्सव
By nisha patil - 2/9/2025 11:30:07 PM
Share This News:
मराठा आंदोलनाचा तिढा सुटला; शाहू बँक चौकात आनंदोत्सव
कोल्हापूर / प्रतिनिधी : मनोज जरांगे पाटलांच्या उपोषणानंतर मराठा आंदोलनाचा तिढा अखेर सुटला असून हा प्रश्न मार्गी लागल्याने जिल्ह्यात आनंदोत्सव साजरा करण्यात आला. गणेशोत्सवाच्या पार्श्वभूमीवर हा ऐतिहासिक निर्णय जाहीर झाल्याने सकल मराठा समाजासह विविध समाजबांधवांनी श्री गणेशाची आरती करून जल्लोष व्यक्त केला.
ऐतिहासिक शाहू बँक चौकातील भाई ग्रुपच्या गणपतीच्या साक्षीने आरती झाल्यानंतर साखरपेडे वाटण्यात आले. आरक्षणाचे जनक राजर्षी छत्रपती शाहू महाराज यांच्या वेशभूषेत रणवीर सरनाईक यांनी उपस्थित राहून उत्सवाला वेगळेच औचित्य लाभवले. हलगी–घुमका, कैचाळाच्या गजरात जल्लोष साजरा करण्यात आला.
या वेळी प्रसाद जाधव, प्रकाश सरनाईक, राजेंद्र चव्हाण, राजू जाधव, डॉ. संभाजी पाटील, मंदार पवार, चंद्रकांत चिले, राजेंद्र थोरावडे, सुरेश अंबुसरे, कृष्णात चौगुले, रमेश चावरे, शुभम कारंडे, शरद वाकरेकर, अभिजीत ढवण, अमोल बुचडे, श्याम कांबळे, राजेश खेडकर, संकेत गवळी, शुभम पिसाळ, विश्वास चौगुले, प्रथम निकम, विशाल गायकवाड यांच्यासह असंख्य महिला व कार्यकर्ते उपस्थित होते.
मराठा आंदोलनाचा तिढा सुटला; शाहू बँक चौकात आनंदोत्सव
|