राजकीय

कागल नगराध्यक्ष व प्रभाग क्रमांक ५ निवडणूक निकाल जाहीर

By nisha patil - 12/21/2025 11:04:43 AM
Share This News:

कागल:- कागल नगरपरिषदेच्या नगराध्यक्ष पदासाठी (सर्वसाधारण महिला) तसेच प्रभाग क्रमांक ५ मधील दोन जागांसाठी झालेल्या निवडणुकीची मतमोजणी प्रक्रिया दिनांक २१ डिसेंबर २०२५ रोजी पूर्ण झाली. मतदान केंद्रावर वापरलेल्या कॅलटिंग युनिट्समधील नोंदवलेली मते मतमोजणी सहाय्यक व पर्यवेक्षकांच्या उपस्थितीत मोजण्यात आली.

नगराध्यक्ष पदासाठी (सर्वसाधारण महिला – Ballot No. 1) झालेल्या मतमोजणीनुसार उमेदवारांना अनुक्रमे मते मिळाली. घाटगे युगंधरा महेश, नागराळे शारदा धनाजी, प्रभावळकर गायत्री चित्रगुप्त, माने सविता प्रताप, सोनुले राणी अरुण यांना मतदारांचा प्रतिसाद मिळाला. या मतपत्रिकेवर NOTA सह एकूण ७३७ मते नोंदवली गेली.

प्रभाग क्रमांक ५ (जागा–अ) सर्वसाधारण गटासाठी (Ballot No. 2) झालेल्या मतमोजणीत केसरकर सुहास अशोक, गाडेवार विश्वनाथ शंकर, पाचगावे शिवाजी तुकाराम, पिंजारी जावेद अब्बास आणि रारण जयवंत कृष्णराव यांना मते मिळाली. या प्रभागातही NOTA सह एकूण ७३७ मते नोंदवली गेली.

त्याचप्रमाणे प्रभाग क्रमांक ५ (जागा–अ) अनुसूचित जाती महिला गटासाठी (Ballot No. 3) कागलकर आशा चंद्रकांत आणि गवळी सुगन चंद्रकांत यांच्यात थेट लढत झाली. या मतपत्रिकेवरही NOTA सह एकूण ७३७ मते नोंदवण्यात आली.

सर्व मतपत्रिकांवरील मतांची संख्या समान असून मतमोजणीची प्रक्रिया शांततेत व नियमानुसार पार पडल्याची माहिती निवडणूक प्रशासनाने दिली आहे. अधिकृत निकालांची अधिसूचना लवकरच प्रसिद्ध केली जाणार आहे.