राजकीय
मुरगुड नगरपरिषद निवडणुकीसाठी भाजप-महायुतीच्या प्रचाराचा भव्य शुभारंभ
By nisha patil - 11/25/2025 7:49:08 PM
Share This News:
मुरगुड नगरपरिषद निवडणुकीसाठी भाजप-महायुतीच्या प्रचाराचा भव्य शुभारंभ
मुरगुड (कोल्हापूर):स्थानिक स्वराज संस्थेच्या निवडणुकांच्या पार्श्वभूमीवर मुरगुड नगरपरिषदेसाठी भारतीय जनता पार्टी व महायुतीच्या प्रचार मोहिमेचा शुभारंभ उत्साहात पार पडला. उच्च व तंत्रशिक्षण मंत्री चंद्रकांतदादा पाटील, कोल्हापूर जिल्ह्याचे पालकमंत्री प्रकाश आबिटकर यांच्या हस्ते प्रचाराला सुरुवात करण्यात आली. यावेळी माजी खासदार व भाजपचे प्रदेश सचिव महेश जाधव प्रमुख उपस्थित होते.
कार्यक्रमाला जिल्हाध्यक्ष नाथाजी पाटील, सरचिटणीस शिवाजी बुवा, प्रवीणसिंह पाटील, वीरेंद्र मंडलिक, दिग्विजय पाटील, मयूर सावर्डेकर, पृथ्वीराज कदम तसेच भाजप-महायुतीचे सर्व उमेदवार, पदाधिकारी व कार्यकर्ते मोठ्या संख्येने उपस्थित होते. मतदारसंघातील नागरिकांनीही उपस्थिती लावून उत्स्फूर्त प्रतिसाद दिला.
या प्रचार शुभारंभ प्रसंगी आगामी निवडणुकीसाठी संघटनात्मक तयारी, विकासाभिमुख कामे, नागरिकांपर्यंत पोहोचण्याच्या रणनितीबाबत मार्गदर्शन करण्यात आले. मुरगुडच्या सर्वांगीण विकासासाठी महायुती कटिबद्ध असून आगामी निवडणुकीत विजयी होण्याचा दृढ विश्वास व्यक्त करण्यात आला.
मुरगुड नगरपरिषद निवडणुकीसाठी भाजप-महायुतीच्या प्रचाराचा भव्य शुभारंभ
|