बातम्या

🔸 "कोल्हापुरात १ लाख ५१ हजार रुपयांची निष्ठा दहीहंडी 🔸

By nisha patil - 7/8/2025 5:27:50 PM
Share This News:

🔸 "कोल्हापुरात १ लाख ५१ हजार रुपयांची निष्ठा दहीहंडी 🔸

कोल्हापुरात शिवसेनेच्या वतीने ‘निष्ठा दहीहंडी’चा भव्य सोहळा; विजेत्या मंडळासाठी १ लाख ५१ हजारांचे बक्षीस

कोल्हापूर : श्रीकृष्ण जन्माष्टमीचे औचित्य साधून शिवसेनेच्या वतीने ‘निष्ठा दहीहंडी’ महोत्सवाचे आयोजन करण्यात आले असून, यामध्ये विजेत्या मंडळासाठी तब्बल १ लाख ५१ हजार रुपयांचे आकर्षक बक्षीस ठेवण्यात आले आहे.

ही दहीहंडी १६ ऑगस्ट २०२५ रोजी सायंकाळी ६ वाजता, मिर्झाकर टिंब, कोल्हापूर येथे आयोजित करण्यात आली आहे. या सोहळ्यात शिवसेनेचे माजी पदाधिकारी, ज्येष्ठ शिवसैनिक तसेच कार्यकर्ते मोठ्या संख्येने उपस्थित राहणार आहेत.

दहीहंडी स्पर्धेसाठी आकर्षक बक्षीस, कलाविष्काराचे आयोजन आणि विद्युत रोषणाईने सजलेली भव्य मंडप रचना यामुळे यावर्षीचा सोहळा विशेष आकर्षण ठरणार आहे.

कार्यक्रमाचे प्रमुख आयोजक आहेत

रविकिरण इंगवले (जिल्हाप्रमुख, कोल्हापूर)

सुनिल मोरे, विशाल देवकुळे

तर कार्यक्रमास प्रतिज्ञा उत्तुरे (महिला जिल्हा संघटिका), रीमा देशपांडे (शहर संघटिका), जाहिद खान (शहर संपर्कप्रमुख), मनजित माने (युवासेना जिल्हा प्रमुख) यांची प्रमुख उपस्थिती असणार आहे.

कार्यक्रमाच्या उद्घाटनप्रसंगी कट्टर शिवसैनिकांचा सहभाग आणि शुभहस्ते दहीहंडी फोडण्याची परंपरा जपली जाणार आहे. शिवसेनेचे आजी व माजी पदाधिकारी, विविध शाखांचे कार्यकर्ते यावेळी उपस्थित राहणार आहेत.