राजकीय
कोल्हापुरात ‘पंडित दीनदयाळ उपाध्याय प्रशिक्षण महाअभियान'ची दमदार सुरुवात; खासदार धनंजय महाडिकांकडून भाजपच्या विकासाचा जोरदार आढावा
By nisha patil - 4/15/2026 12:15:01 PM
Share This News:
कोल्हापुरात ‘पंडित दीनदयाळ उपाध्याय प्रशिक्षण महाअभियान'ची दमदार सुरुवात; खासदार धनंजय महाडिकांकडून भाजपच्या विकासाचा जोरदार आढावा
कोल्हापूर जिल्ह्यात पंडित दीनदयाळ उपाध्याय प्रशिक्षण महाअभियानाचा प्रारंभ करत भाजपने संघटन बळकट करण्यासोबतच विकासाच्या अजेंड्याची पुनर्मांडणी केली आहे. करवीर तालुक्यातील बालिंगा येथे आयोजित कार्यशाळेचे उद्घाटन धनंजय महाडिक यांच्या हस्ते झाले.
यावेळी बोलताना महाडिक यांनी नरेंद्र मोदी यांच्या नेतृत्वाखाली भारत जागतिक अर्थव्यवस्थेत चौथ्या क्रमांकावर पोहोचल्याचा दावा करत आत्मनिर्भर भारत अभियानाच्या यशाचा उल्लेख केला. २०४७ पर्यंत ‘विकसित भारत’ाचे ध्येय पूर्ण होईल, असा विश्वास त्यांनी व्यक्त केला.
केंद्र सरकारच्या कामगिरीचा आढावा घेताना त्यांनी १० कोटी घरांमध्ये शौचालयांची उभारणी, १० कोटी घरांना उज्वला गॅस, जलजीवन मिशनची अंमलबजावणी, ४ कोटी घरकुलांची पूर्तता आणि आणखी ३ कोटी घरकुले उभारण्याचे उद्दिष्ट अधोरेखित केले. तसेच पंतप्रधानांच्या प्रयत्नांतून २५ कोटींहून अधिक कुटुंबे दारिद्र्यरेषेबाहेर आल्याचा दावा त्यांनी केला.
एकूणच, या प्रशिक्षण अभियानातून भाजपने कार्यकर्त्यांना सक्रिय करताना विकासाच्या आकडेवारीच्या जोरावर राजकीय भूमिकाही अधिक ठामपणे मांडल्याचे चित्र दिसून येते.
कोल्हापुरात ‘पंडित दीनदयाळ उपाध्याय प्रशिक्षण महाअभियान'ची दमदार सुरुवात; खासदार धनंजय महाडिकांकडून भाजपच्या विकासाचा जोरदार आढावा
|