बातम्या
शिवाजी विद्यापीठात काव्य पुरस्कार वितरण — कवी अरुणचंद्र गवळी व फेलिक्स डिसोजा सन्मानित
By nisha patil - 11/15/2025 5:21:45 PM
Share This News:
शिवाजी विद्यापीठात काव्य पुरस्कार वितरण — कवी अरुणचंद्र गवळी व फेलिक्स डिसोजा सन्मानित
कोल्हापूर, दि. १५ नोव्हेंबर : शिवाजी विद्यापीठाच्या मराठी अधिविभागात ज्येष्ठ कवी अरुणचंद्र गवळी (पुणे) यांना सतीश काळसेकर काव्य पुरस्कार, तर युवा कवी फेलिक्स डिसोजा (वसई) यांना ऋत्विज काळसेकर काव्य पुरस्कार प्रदान करण्यात आला.
प्रमुख पाहुण्या डॉ. माया पंडित म्हणाल्या की गवळी व डिसोजा यांची कविता मानवी मूल्यांना भिडणारी असून वास्तव, संस्कृती आणि मूल्यसंघर्ष यांचे प्रभावी दर्शन घडवते.
गवळी यांनी सांगितले की कवीने द्वेष, विखार, अन्यायाविरुद्ध आवाज उठवत पर्यायी समतावादी विचार मांडत राहिले पाहिजे. डिसोजा म्हणाले की कवीने बदलत्या मूल्यप्रवाहांचे चिकित्सकपणे निरीक्षण करणे आवश्यक आहे.
कुलसचिव डॉ. विलास शिंदे यांनी या दोन्ही कवींची कविता विषमता आणि समाजातील वास्तवाचे अचूक चित्रण करणारी असल्याचे सांगितले.
कार्यक्रमात परीक्षक कवी अजय कांडर, आदित्य काळसेकर, संशोधक, शिक्षक व विद्यार्थी मोठ्या संख्येने उपस्थित होते.
शिवाजी विद्यापीठात काव्य पुरस्कार वितरण — कवी अरुणचंद्र गवळी व फेलिक्स डिसोजा सन्मानित
|