राजकीय
“कोल्हापूर महापालिकेत विरोधी पक्षाची नव्याने मांडणी; लाटकर-बोंद्रे जोडी सक्रिय”
By nisha patil - 4/16/2026 12:04:15 PM
Share This News:
“कोल्हापूर महापालिकेत विरोधी पक्षाची नव्याने मांडणी; लाटकर-बोंद्रे जोडी सक्रिय”
कोल्हापूर महानगरपालिकेच्या राजकारणात काँग्रेसने नव्या नेतृत्वासह सक्रियतेचा ठसा उमटवण्यास सुरुवात केली आहे. नव्याने नियुक्त झालेले विरोधी पक्षनेते राजेश लाटकर आणि गटनेते इंद्रजित बोंद्रे यांनी आज महापालिकेतील आपल्या कार्यालयात औपचारिक प्रवेश करत राजकीय उपस्थितीची नोंद केली.
या कार्यालयीन प्रवेश सोहळ्याचे उद्घाटन आमदार सतेज उर्फ बंटी डी. पाटील यांच्या हस्ते फित कापून करण्यात आले. या निमित्ताने काँग्रेसच्या स्थानिक संघटनेची एकजूट आणि ताकद स्पष्टपणे दिसून आली.
कार्यक्रमाला महापौर रुपाराणी निकम, उपमहापौर अक्षय जरग, स्थायी समिती सभापती विशाल शिराळे, सभागृहनेते मुरलीधर जाधव यांच्यासह माजी आमदार ऋतूराज पाटील, उप-आयुक्त परितोष कंकाळ, किरणकुमार धनवाडे, काँग्रेस जिल्हाध्यक्ष सचिन चव्हाण आणि शिवसेना जिल्हाध्यक्ष रविकिरण इंगवले यांची प्रमुख उपस्थिती होती. याशिवाय नगरसेवक, अधिकारी, कर्मचारी आणि नागरिक मोठ्या संख्येने उपस्थित होते.
या सोहळ्याच्या माध्यमातून काँग्रेसने महापालिकेतील विरोधी पक्ष म्हणून आपली भूमिका अधिक आक्रमक आणि प्रभावीपणे मांडण्याचे संकेत दिले आहेत. आगामी काळात महापालिकेच्या कामकाजात लाटकर-बोंद्रे यांची जोडी कितपत प्रभाव पाडते, याकडे आता सर्वांचे लक्ष लागले आहे.
महापालिकेत काँग्रेसची नव्या नेतृत्वाची एन्ट्री; लाटकर-बोंद्रे यांच्या कार्यालयाचा दिमाखदार शुभारंभ”
|