शैक्षणिक

शिवाजी विद्यापीठात क्रांतीज्योती सावित्रीबाई फुले जयंती उत्साहात साजरी

By nisha patil - 3/1/2026 5:51:52 PM
Share This News:

कोल्हापूर, दि. ३ जानेवारी — क्रांतीज्योती सावित्रीबाई फुले यांची जयंती आज शिवाजी विद्यापीठ, कोल्हापूर येथे उत्साहपूर्ण वातावरणात साजरी करण्यात आली. स्त्रीशिक्षण आणि सामाजिक समतेचा संदेश देणाऱ्या सावित्रीबाई फुले यांच्या कार्यास यावेळी आदरांजली अर्पण करण्यात आली.विद्यापीठाच्या मुख्य प्रशासकीय इमारतीत प्र-कुलगुरू   डॉ. ज्योती जाधव यांच्या हस्ते सावित्रीबाई फुले यांच्या प्रतिमेस पुष्पहार अर्पण करून अभिवादन करण्यात आले.

या कार्यक्रमास विद्यापीठातील महिला प्राध्यापक, प्रशासकीय अधिकारी, सेवक तसेच विद्यार्थी-विद्यार्थिनी मोठ्या संख्येने उपस्थित होते. उपस्थितांनी सावित्रीबाई फुले यांच्या विचारांना स्मरण करून त्यांच्या सामाजिक कार्याप्रती कृतज्ञता व्यक्त केली.

यावेळी कुलसचिव डॉ. विलास शिंदे यांच्यासह विविध अधिष्ठाता, प्राध्यापक, विभागप्रमुख, उपकुलसचिव, महिला वसतिगृहाच्या मुख्य अधीक्षक तसेच शिक्षण व प्रशासकीय क्षेत्रातील मान्यवर उपस्थित होते.

दरम्यान, शिवाजी विद्यापीठाच्या शिक्षणशास्त्र अधिविभागातही क्रांतीज्योती सावित्रीबाई फुले यांची जयंती उत्साहात साजरी करण्यात आली. या माध्यमातून सावित्रीबाई फुले यांच्या शिक्षण, समता आणि सामाजिक परिवर्तनाच्या विचारांना उजाळा देण्यात आला.

शिवाजी विद्यापीठात दरवर्षीप्रमाणे यंदाही सावित्रीबाई फुले जयंती साजरी करून त्यांच्या विचारांचा वारसा पुढे नेण्याचा संकल्प व्यक्त करण्यात आला.