शैक्षणिक
अरुणचंद्र गवळी, फेलिक्स डिसोजा यांना शिवाजी विद्यापीठाचे काळसेकर काव्य पुरस्कार जाहीर
By nisha patil - 8/19/2025 6:29:08 PM
Share This News:
अरुणचंद्र गवळी, फेलिक्स डिसोजा यांना शिवाजी विद्यापीठाचे काळसेकर काव्य पुरस्कार जाहीर
कोल्हापूर, दि. १९ ऑगस्ट : शिवाजी विद्यापीठाच्या वतीने दिले जाणारे सन २०२५ साठीचे सतीश काळसेकर व ऋत्विज काळसेकर काव्य पुरस्कार जाहीर झाले आहेत.
🔹 सतीश काळसेकर काव्य पुरस्कार (₹२१,००० रोख व सन्मानचिन्ह) सुप्रसिद्ध कवी अरुणचंद्र गवळी यांना जाहीर झाला आहे. त्यांच्या ‘अरुणचंद्र गवळीच्या कविता’ या संग्रहासह सामाजिक, सांस्कृतिक आणि राजकीय जाणिवा व्यक्त करणाऱ्या काव्यलेखनाबद्दल त्यांना हा सन्मान मिळाला आहे.
🔹 ऋत्विज काळसेकर काव्य पुरस्कार २०२५ (₹१०,००० रोख व सन्मानचिन्ह) नव्या पिढीतील आश्वासक कवी फेलिक्स डिसोजा (वसई) यांना जाहीर झाला आहे. ‘नोंदीनांदी’ आणि ‘आरशात ऐकू येणारं प्रेम’ या संग्रहातून त्यांनी प्रभावी काव्यलेखन केले आहे.
हे पुरस्कार सतीश काळसेकर यांच्या कुटुंबियांच्या देणगीतून विद्यापीठाकडून दिले जातात. यावर्षीचा समारंभ सप्टेंबरच्या दुसऱ्या आठवड्यात विद्यापीठात होणार आहे.
📖 यापूर्वी वसंत आबाजी डहाके, नारायण कुलकर्णी कवठेकर, अनुराधा पाटील यांना "सतीश काळसेकर पुरस्कार" तर दिशा पिंकी शेख, वर्जेश सोळंकी आणि वीरधवल परब यांना "ऋत्विज काळसेकर पुरस्कार" प्रदान करण्यात आला आहे.
अरुणचंद्र गवळी, फेलिक्स डिसोजा यांना शिवाजी विद्यापीठाचे काळसेकर काव्य पुरस्कार जाहीर
|