बातम्या

📰 सर्वोच्च न्यायालयाची दिशाभूल; बनावट ‘UTR’ मेसेजद्वारे ४.१० कोटींची फसवणूक

By nisha patil - 9/18/2025 11:25:57 AM
Share This News:

कुरुंदवाड, ता. १७ : सर्वोच्च न्यायालयासमोर बनावट बँकेचा ‘UTR मेसेज’ दाखवून कर्ज फेडल्याचे खोटे भासवण्याचा प्रकार उघड झाला आहे. या प्रकरणी अब्दुललाट येथील चैतन्य बहुउद्देशीय शिक्षण प्रसारक मंडळाचे संचालक दशरथ गणपती काळे आणि सूरज कणसे या दोघांवर कुरुंदवाड पोलिस ठाण्यात फसवणुकीचा गुन्हा दाखल करण्यात आला.

फिर्याद भरत इंद्रसेन जयकर (वय ५५, रा. औक्सिलो फिन्सर्व प्रा. लि., अंधेरी (पूर्व)) यांनी दाखल केली आहे.

🔹 घडलेला प्रकार असा –
    •    शिक्षण संस्थेने शाळेसाठी औक्सिलो फिन्सर्व प्रा. लि. या कंपनीकडून कर्ज घेतले होते.
    •    थकीत कर्जाबाबत सर्वोच्च न्यायालयात दावा सुरू होता.
    •    तडजोडीनुसार साडेचार कोटी रुपये भरण्याचे ठरले होते.
    •    मात्र संस्थेने फक्त ४० लाख रुपये भरले.
    •    उर्वरित ४.१० कोटी रुपये भरल्याचे दाखवण्यासाठी बनावट बँक ‘UTR मेसेज’ तयार केला.
    •    तसेच बनावट सेटलमेंट पत्र, ई-मेल, शिक्के आणि सही करून कंपनीच्या नावाने खोटे कागदपत्रे तयार करण्यात आली.
    •    ही सर्व कागदपत्रे खरी असल्याचे भासवून ७ ऑगस्ट २०२५ रोजी सर्वोच्च न्यायालयात प्रतिज्ञापत्र दाखल करण्यात आले.

याद्वारे सर्वोच्च न्यायालय आणि औक्सिलो फिन्सर्व कंपनीची फसवणूक झाल्याचे फिर्यादीत नमूद आहे. पोलिसांनी गुन्हा दाखल करून पुढील तपास सुरू केला आहे.