राजकीय

📍 “निवडणूक थांबली नाही… कुठेतरी थांबवून ठेवली आहे.”

By nisha patil - 11/25/2025 12:37:51 PM
Share This News:

कोल्हापूर जिल्हा परिषद पंचायत समिती निवडणुकीबाबत महिनोंमहिने एकच शब्द फिरतोय—
“लवकरच होईल…”
पण तो ‘लवकरच’ कधीच येत नाहीये.
आणि हाच खरा संशय आहे ...
📍 मतदार याद्या — गोंधळाची मुळं.
कुणाचं नाव गायब,
कुणाचं नाव दुसऱ्या प्रभागात,
कुणी स्वतःच्या गावात राहतो… पण नाव मात्र वेगळ्या यादीत.
मतदाराचा पत्ता स्पष्ट नाही,
आणि निवडणुकीची तारीख ठरतेय कशी?
याद्यांवरच प्रश्नचिन्ह असल्याने
संपूर्ण प्रक्रियेलाच अडथळा निर्माण झालाय...
📍 बाहेर शांतता… आत मात्र खूप काही शिजतंय.
इच्छुकांनी महिनोंमहिने गावोगाव बैठकाचं ओझं उचललं,
नाश्त्यांपासून ते कार्यक्रमांपर्यंत सगळीकडे हजेरी लावली,
कार्यकर्त्यांना गुंतवून ठेवण्यासाठी कितीतरी खर्च केला…
पण तारीख लांबली,
आणि प्रचाराचा वेगच थबकला...
आता हंगामी कामं सुरू झाली,
काही कार्यकर्ते सरळ घरच्या जबाबदाऱ्यांकडे वळले,
कारण पोटाची गरज कोणत्याही पक्षापेक्षा मोठी असते..
📍 काहींसाठी दिलासा… काहींसाठी बेचैनी.
ज्यांची तयारी मागे पडली होती, त्यांना आता वेळ मिळालाय.
आणि जे जोरात धावत होते,
त्यांच्या पायाखालची जमीनच सरकली आहे.
गटही आतून आपल्या समीकरणांचे
शांतपणे फेरबदल करतायत—
तिकीट कुणाला?
कोणाला बाजूला?
कोणाला पुढे ढकलायचं?
जितका विलंब, तितकं राजकारण आतून अधिक तिखट.
📍 आणि शेवटी प्रश्न एकच — तारीख कधी?
कारण तारीख जाहीर झाली की
गावोगावची राजकीय चाके पुन्हा धावतील.
कार्यकर्ते परत एकत्र येतील,
उत्साह वाढेल,
आणि प्रचाराचा सूर पुन्हा जोरात लागेल.
पण तोपर्यंत—
जिल्हा प्रतीक्षेत,
नेते तणावात,
आणि मतदार, गोंधळाच्या सावलीत.