शैक्षणिक

शिवाजी विद्यापीठ इंटर झोनल टेबल टेनिस स्पर्धेत विवेकानंद कॉलेज विजेते

By nisha patil - 12/11/2025 3:14:00 PM
Share This News:

शिवाजी विद्यापीठ इंटर झोनल टेबल टेनिस स्पर्धेत विवेकानंद कॉलेज विजेते

 कोल्हापूर दि 12 :  शिवाजी विद्यापीठ अंतर्गत घेण्यात आलेल्या इंटर झोनल टेबल टेनिस मुले व मुलींच्या स्पर्धांचे आयोजन विवेकानंद कॉलेजच्या शिक्षणमहर्षी डॉ. बापूजी साळुंखे स्मृतिभवन मध्ये करण्यात आले होते.  या स्पर्धेत सातारा, सांगली, कोल्हापूर या तीनही विभागातील एकूण 60 मुले व 60 मुली असे एकूण 120 खेळाडू सहभागी झाले होते.  या  स्पर्धा साखळी फेरीतून बाद पध्दतीने खेळवण्यात आल्या.  अंतिम सामना विवेकानंद कॉलेज, कोल्हापूर विरुध्द के.आय.टी. कॉलेज ऑफ इंजिनिअरींग, कोल्हापूर यांच्यामध्ये झाला. यामध्ये विवेकानंद कॉलेजने 5-3 ने  के.आय.टी. कॉलेजवर विजय मिळवून विजेतेपद पटकाविले.

या स्पर्धेचे उद्घघाटन व बक्षिस समारंभ श्री स्वामी विवेकानंद शिक्षण संस्थेचे कार्याध्यक्ष प्राचार्य अभयकुमार साळुंखे यांच्या शुभहस्ते पार पडला. या स्पर्धेमधून गुजराथ येथे होणाऱ्या पश्चिम विभागीय आंतर विद्यापीठ स्पर्धेसाठी  शिवाजी विद्यापीठाचा मुला मुलींच्या टेबल टेनिस संघाची निवड करण्यात आली. याप्रसंगी निवड समितीचे अध्यक्ष डॉ. दिपक डांगे-पाटील, प्रा.किरण पाटील, प्रा.योगिता परमाणे, स्पर्धा निरीक्षक रुद्रेश मल्लाप्पा हे उपस्थित होते.

या स्पर्धा यशस्वी करण्यासाठी संस्थेच्या सचिव प्राचार्या शुभांगी गावडे, संस्थेचे सी.ई.ओ. कौस्तुभ गावडे यांचे प्रोत्साहन लाभले. तसेच महाविद्यालयाचे प्राचार्य डॉ. आर. आर. कुंभार,  जिमखाना विभाग प्रमुख डॉ. विकास जाधव, ज्युनिअर जिमखाना विभाग प्रमुख प्रा. संतोष कुंडले,  प्रा. समीर पठाण, प्रा. प्रशांत कांबळे, प्रा. साद मुजावर, महाविद्यालयाचे रजिस्ट्रार श्री. एस. के धनवडे व श्री सुरेश चरापले यांचे मार्गदर्शन व सहकार्य लाभले.