राजकीय

कोल्हापुरात १३ नगरपालिकांची प्रभाग रचना ३१ ऑक्टोबरला जाहीर; तब्बल २४ हजार हरकतींनी प्रशासन अडचणीत!

By nisha patil - 10/29/2025 2:04:51 PM
Share This News:

कोल्हापूर जिल्ह्यातील १३ नगरपालिका आणि नगरपंचायतींची प्रभाग रचना ३१ ऑक्टोबर रोजी जाहीर होणार आहे. या रचनेवर जिल्हाभरातून तब्बल २३ हजार ८२० हरकती दाखल झाल्याने प्रशासन नेमका काय निर्णय घेणार, याकडे कार्यकर्त्यांसह नागरिकांचेही लक्ष लागले आहे. जिल्हा परिषद आणि पंचायत समिती निवडणुकांपूर्वी नगरपालिका निवडणुका होण्याची शक्यता वर्तवली जात आहे.

📅 प्रभाग रचना आणि हरकती

प्रभाग रचना जाहीर करण्यापूर्वी नागरिकांकडून हरकती घेण्यासाठी १७ ऑक्टोबर २०२५ पर्यंत मुदत देण्यात आली होती. या कालावधीत हजारो हरकती दाखल झाल्या. त्यानंतर ७ नोव्हेंबरला मतदान केंद्रनिहाय मतदार याद्या प्रसिद्ध केल्या जाणार आहेत. त्यामुळे आता सर्वांचे लक्ष ३१ ऑक्टोबरकडे लागले आहे.

सर्वोच्च न्यायालयाने महाराष्ट्र शासनाला ३१ जानेवारी २०२६ पर्यंत जिल्हा परिषद, पंचायत समिती आणि महापालिकांच्या निवडणुका घेण्याचे निर्देश दिले आहेत. त्यानुसार, सर्वप्रथम जिल्हा परिषद व पंचायत समित्या, त्यानंतर नगरपालिका व महापालिका निवडणुका घेण्याचे संकेत मिळत आहेत.

🌧️ अतिवृष्टीचा परिणाम आणि बदललेले राजकीय समीकरण

दरम्यान, मराठवाडा आणि विदर्भ विभागात झालेल्या अतिवृष्टीनंतर राजकीय परिस्थिती बदलली आहे. अनेक शेतकऱ्यांच्या खात्यावर अजूनही नुकसानभरपाई जमा झालेली नाही, तर पुन्हा पावसाने हजेरी लावल्याने शेतकरी अडचणीत आला आहे. या पार्श्वभूमीवर निवडणुकांचे वेळापत्रक आणि अंतिम मतदार यादी प्रसिद्धीचा कार्यक्रमही बदलण्यात आला आहे. काही भाग संलग्न क्षेत्रातून वगळल्याने आरक्षणातही बदल झाला आहे.
📋 कोल्हापूर जिल्ह्यातील विविध नगरपालिकांमधून एकूण 23,820 हरकती दाखल झाल्या असून त्यापैकी जयसिंगपूर नगरपालिकात सर्वाधिक 9,882, शिरोळ नगरपालिकात 2,498, आजरा नगरपंचायतत 2,212, वडगाव नगरपालिकात 1,783, तर कुरुंदवाड नगरपालिकात 1,643 हरकती प्राप्त झाल्या आहेत. याशिवाय गडहिंग्लज नगरपालिकात 1,448, चंदगड नगरपंचायतत 1,344, हातकणंगले नगरपंचायतत 983, हुपरी नगरपालिकात 926, कागल नगरपालिकात 678, पन्हाळा नगरपालिकात 214, मलकापूर नगरपालिकात 186 आणि मुरगूड नगरपालिकात 124 हरकती दाखल झाल्याचे जिल्हा प्रशासनाने स्पष्ट केले आहे.

नागरिकांच्या तक्रारी

अनेक ठिकाणी प्रभाग रचना “विचित्र पद्धतीने” फोडल्याचा आरोप नागरिकांकडून करण्यात आला आहे. उदाहरणार्थ, काही नागरिक वार्ड क्रमांक ६ मध्ये वास्तव्यास असून त्यांचे नाव मतदानासाठी वार्ड क्रमांक ७ मध्ये दाखवले आहे. आजऱ्यासारख्या छोट्या नगरपंचायतीतसुद्धा २२०० पेक्षा जास्त हरकती दाखल झाल्या आहेत, असे नागरिक रशीद पठाण यांनी सांगितले.

🗣️ निवडणुकीपूर्व तयारीला वेग

अजून अधिकृत निवडणूक कार्यक्रम जाहीर झाला नसतानाही जिल्ह्यातील काही नगरपालिकांमध्ये इच्छुक उमेदवारांनी प्रचारास सुरुवात केली आहे. त्यामुळे निवडणुकीचे वातावरण हळूहळू रंगू लागले असून, राजकीय घडामोडींना वेग आला आहे.