बातम्या

२४ नोव्हेंबर रोजी बालिंगा जल उपसा केंद्राचा पाणीपुरवठा बंद; २५ नोव्हेंबरला कमी दाबाने पाणी

By nisha patil - 11/22/2025 5:26:26 PM
Share This News:

२४ नोव्हेंबर रोजी बालिंगा जल उपसा केंद्राचा पाणीपुरवठा बंद; २५ नोव्हेंबरला कमी दाबाने पाणी

कोल्हापूर, दि. २२ : महाराष्ट्र राज्य विद्युत पारेषण कंपनीकडून बालिंगा सबस्टेशन परिसरातील उच्चदाब वाहिनीच्या देखभाल व कामकाजासाठी सोमवार, २४ नोव्हेंबर २०२५ रोजी दिवसभर विद्युत पुरवठा बंद ठेवण्यात येणार आहे. या निर्णयाचा थेट परिणाम बालिंगा अशुद्ध/शुद्ध जल उपसा केंद्र आणि नागदेववाडी जल उपसा केंद्रांवर होणार असून, या दोन्ही केंद्रांवरील पाणी उपसा पूर्णपणे बंद राहील.

यामुळे २४ नोव्हेंबर रोजी बालिंगा जल उपसा केंद्रावर अवलंबून असणाऱ्या सर्व भागांमध्ये दैनंदिन पाणीपुरवठा पूर्णतः बंद राहणार आहे. तसेच २५ नोव्हेंबर रोजी पाणीपुरवठा अपुरा आणि कमी दाबाने होणार असल्याचे महापालिकेच्या पाणीपुरवठा विभागाने सांगितले.

या भागांमध्ये पाणीपुरवठा बंद/कमी दाबाने

ए, बी वॉर्ड आणि त्यास लागून असलेली उपनगरे,
लक्षतीर्थ वसाहत, फुलेवाडी रिंगरोड, सानेगुरुजी वसाहत, राजेसंभाजी परिसर, क्रशर चौक, आपटेनगर टाकी परिसर, राजोपाध्येनगर, कणेरकरनगर, क्रांतीसिंह नाना पाटील नगर, तुळजाभवानी कॉलनी, देवकर पाणंद, टेंभे रोड, शिवाजीपेठ, चंदेश्वर गल्ली, तटाकडील तालीम, साकोली कॉर्नर, उभा मारुती चौक, चिनखांबी गणेश मंदिर,
महाद्वार रोड, मंगळवार पेठ काही भाग,

सी, डी वॉर्ड – दुधाळी, गंगावेश, उत्तरेश्वर पेठ, शुक्रवार पेठ, ब्रम्हपुरी, बुधवार पेठ तालीम, सिद्धार्थनगर, पापाची तिकटी, लक्ष्मीपुरी, शनिवारपेठ चौक, सोमवारपेठ, ट्रेझरी ऑफिस, बिंदू चौक, कॉमर्स कॉलेज, आझाद चौक, उमा टॉकीज, महालक्ष्मी मंदिर परिसर, गुजरी, मिरजकर तिकटी, देवल क्लब,

ई वॉर्ड – खानविलकर पेट्रोल पंप परिसर, शाहूपुरी ५ ते ८ गल्ली, कुंभार गल्ली, बागल चौक.

महापालिकेकडून टँकरद्वारे पाणीपुरवठा

प्रभावित परिसरातील नागरिकांना दिलासा देण्यासाठी कोल्हापूर महानगरपालिकेने उपलब्ध टँकरद्वारे पाणीपुरवठ्याचे नियोजन केल्याची माहिती दिली आहे.

नागरिकांनी उपलब्ध पाणी काटकसरीने वापरावे आणि महानगरपालिकेस सहकार्य करावे, असे आवाहन पाणीपुरवठा विभागाने केले आहे.