राजकीय

प्रभाग ११ मध्ये तरुणांचा कौल सत्यजित जाधव यांच्या बाजूने; लेटेस्ट तरुण मंडळाचा जाहीर पाठिंबा

By Administrator - 10/1/2026 12:43:05 PM
Share This News:

कोल्हापूर महानगरपालिका प्रभाग क्रमांक ११ मधील शिवसेना महायुतीचे उमेदवार सत्यजित चंद्रकांत जाधव यांना मंगळवार पेठ येथील लेटेस्ट तरुण मंडळाने आपला अधिकृत पाठिंबा जाहीर केला आहे. मंडळाचे अध्यक्ष गजानन यादव यांनी हा निर्णय जाहीर करताना तरुणाईचा विश्वास आणि अपेक्षा जाधव यांच्या पाठीशी असल्याचे स्पष्ट केले.

या पाठिंब्यामुळे प्रभाग ११ मधील निवडणूक वातावरणात चैतन्य निर्माण झाले असून सत्यजित जाधव यांना मिळणारा लोकसमर्थनाचा आलेख सातत्याने वाढत असल्याचे चित्र दिसून येत आहे.

यावेळी बोलताना अध्यक्ष गजानन यादव म्हणाले की, “प्रभागाच्या विकासासाठी केवळ शब्दांचे राजकारण न करता प्रत्यक्ष काम करणारे नेतृत्व आवश्यक आहे. युवकांच्या समस्या समजून घेणारे, सर्वसामान्यांशी थेट संवाद ठेवणारे आणि विकासाची स्पष्ट दिशा असलेले नेतृत्व म्हणून सत्यजित जाधव योग्य उमेदवार आहेत. त्यामुळे मंडळाने एकमताने त्यांना पाठिंबा देण्याचा निर्णय घेतला.”

प्रभागातील रस्ते, स्वच्छता, मूलभूत सुविधा, युवकांसाठी रोजगाराच्या संधी, शिक्षण व क्रीडा क्षेत्रातील विकास यासाठी प्रभावी काम करण्याची क्षमता सत्यजित जाधव यांच्याकडे आहे, असा विश्वास यावेळी व्यक्त करण्यात आला. त्यांचा साधा स्वभाव, नम्रता आणि नागरिकांशी असलेली जवळीक यामुळे तरुण वर्ग मोठ्या संख्येने त्यांच्या पाठीशी उभा राहिला आहे.

लेटेस्ट तरुण मंडळाचा पाठिंबा हा केवळ राजकीय भूमिका नसून प्रभागातील तरुणाईच्या अपेक्षा, विश्वास आणि विकासाच्या आकांक्षांचे प्रतीक असल्याचेही यावेळी सांगण्यात आले. या निर्णयामुळे सत्यजित जाधव यांच्या प्रचाराला बळ मिळाले असून निवडणुकीच्या लढतीत त्यांची भूमिका अधिक मजबूत झाल्याचे स्पष्ट होत आहे.