राजकीय
कोल्हापूरला आंतरराष्ट्रीय क्रिकेट स्टेडियम; शासन-क्रिकेट असोसिएशनमध्ये MoU
By Shivani - 7/22/2026 3:50:30 PM
Share This News:
कोल्हापूरला आंतरराष्ट्रीय दर्जाचे क्रिकेट स्टेडियम; शासन आणि क्रिकेट असोसिएशनमध्ये सामंजस्य करार
कोल्हापूर :
कोल्हापूरमध्ये आंतरराष्ट्रीय दर्जाचे क्रिकेट स्टेडियम उभारण्याच्या दृष्टीने महत्त्वाची घडामोड घडली आहे. राज्य शासनाच्या सहकार्याने कोल्हापूर जिल्हा क्रिकेट असोसिएशन आणि क्रीडा विभाग यांच्यात सामंजस्य करार (MoU) करण्यात आला. या करारामुळे स्टेडियम उभारणीच्या प्रक्रियेला अधिकृत सुरुवात झाली आहे.
प्रस्तावित स्टेडियममध्ये आंतरराष्ट्रीय दर्जाच्या क्रिकेट स्पर्धांसाठी आवश्यक सुविधा विकसित करण्यात येणार असून, त्यामुळे कोल्हापूरमधील खेळाडूंना आधुनिक प्रशिक्षण आणि स्पर्धात्मक वातावरण उपलब्ध होईल. तसेच भविष्यात राष्ट्रीय आणि आंतरराष्ट्रीय क्रिकेट सामने आयोजित करण्याची संधीही निर्माण होणार आहे.
सामंजस्य कराराच्या कार्यक्रमाला उच्च व तंत्र शिक्षण मंत्री चंद्रकांत पाटील, वैद्यकीय शिक्षण मंत्री हसन मुश्रीफ, आरोग्य तथा पालकमंत्री प्रकाश आबिटकर, राज्य नियोजन मंडळाचे कार्यकारी अध्यक्ष राजेश क्षीरसागर, आमदार अमल महाडिक, कोल्हापूर जिल्हा क्रिकेट असोसिएशनचे अध्यक्ष छत्रपती संभाजीराजे, क्रीडा विभागाचे प्रधान सचिव रणजीत सिंह देओल, जिल्हाधिकारी डॉ. विजय राठोड, क्रीडा विभागाचे उपसचिव आबासाहेब कवळे, क्रीडा व युवक सेवा सहसंचालक सुधीर मोर तसेच जिल्हा क्रिकेट असोसिएशनचे पदाधिकारी आणि कार्यकारिणी सदस्य उपस्थित होते.
या करारामुळे कोल्हापूरच्या क्रीडा विकासाला मोठी चालना मिळणार असून, भविष्यात जिल्हा राष्ट्रीय आणि आंतरराष्ट्रीय क्रिकेट स्पर्धांचे महत्त्वाचे केंद्र म्हणून उदयास येण्याची अपेक्षा व्यक्त केली जात आहे.
Kolhapur International Cricket Stadium
|