बातम्या

सरसेनापती संताजी घोरपडे कारखान्यात साखर पोत्याचे हसन मुश्रीफ यांच्या हस्ते पूजन

By Administrator - 9/11/2026 4:30:18 PM
Share This News:

सरसेनापती संताजी घोरपडे कारखान्याच्या साखर पोत्याचे हसन मुश्रीफ यांच्या हस्ते पूजन!

कोल्हापूर :

सरसेनापती संताजी घोरपडे साखर कारखान्याच्या सन २०२६-२७ च्या गळीत हंगामात उत्पादित झालेल्या साखरेच्या पोत्याचे पूजन वैद्यकीय शिक्षण मंत्री तथा नामदार हसनसाहेब मुश्रीफ यांच्या शुभहस्ते उत्साहात करण्यात आले. यावेळी कारखान्याच्या आगामी गळीत हंगामाच्या यशस्वी वाटचालीसाठी त्यांनी शुभेच्छा दिल्या.

साखर पोत्याचे पूजन हा कारखान्याच्या उत्पादन प्रवासातील आनंदाचा आणि समाधानाचा क्षण मानला जातो. ऊस उत्पादक शेतकरी, कारखान्याचे सभासद, अधिकारी, कर्मचारी आणि कामगार यांच्या एकत्रित योगदानातून साखर उद्योगाची प्रगती होत असते. यंदाचा गळीत हंगाम यशस्वी करण्यासोबतच शेतकऱ्यांच्या कष्टाला योग्य मोबदला मिळावा आणि कारखान्याची प्रगती अधिक गतिमान व्हावी, अशी अपेक्षा यावेळी व्यक्त करण्यात आली.

या कार्यक्रमाला कारखान्याचे जनरल मॅनेजर संजय शामराव घाटगे यांच्यासह कारखान्याचे अधिकारी, कर्मचारी, कामगार आणि अन्य मान्यवर उपस्थित होते.